UN MELOUN TANT BOUÒN ! (6/7)

Doui oura d’aprèsdinà. Lou soulèu dardaia tra li broundaia en tant que li cigala canton sensa
s’arrestà. Toui lu quatre si soun endurmit.
Lou temp chanja vitou en mountagna. Li nèbla si meton à coure en lou ciel. Lou vent si lèva, malicious s’en ven lu drevelhà.
B – Ai ben durmit !
J – Finda iéu !
A – Lou temp vira…
C – Caurìa s’encalà…
B – E la fotò souvenì ?
J – La cau faire ! Venès ! Es pas tant luèn. Sieu segur que vi plaserà !
Es ver, lou luec es propi bèu : à l’entour lu bei aubre vert esmerauda couronon la cascada doun l’aiga viva giscla sus li roca. Si pilhon lou pourtret d’un, de l’autre. An lou « retardatur » sus l’apareil e « clic » una fotò toutai quatre. Per si renembrà…
S’encalon…
A – A la calada li cougourda regouòlon !
J – Oh, li a pas que li cougourda ! Li a lu meloun finda !
C – As rasoun !
B – Va li plan galineta !
A – Ai lou tieu bastoun, crègni ren !
J – Doune-mi la man Chouaja…
C – Ahì ! Serai mai assegurada…
A la virada dou camin…

A SEGRE